«Үлбі-ТВС» – Шығыс Қазақстан облысы ғана емес, бүкіл ел үшін стратегиялық маңызы бар жоғары технологиялық кәсіпорын, деп хабарлайды Buqara.kz сайтының тілшісі.

Бұл – Орталық Азиядағы атом электр станцияларына арналған жылу бөлгіш құрамаларды өндіретін бірегей өндіріс орны. Мұнда дайындалатын өнім Қазақстанның жаһандық атом өнеркәсібіндегі әлеуетін нығайтуға үлес қосып келеді.

Кәсіпорын ұжымы ел азаматтарын 23 тамызда өтетін Құрылтай депутаттарының сайлауына қатысуға шақырады. Олар бұл саяси науқан әр азаматқа өз ұстанымын білдіріп, елдің келешегіне үлес қосуға мүмкіндік беретінін айтады.

- Жауапкершілігі жоғары өндірісте еңбек ететін мамандар ортақ нәтижеге жетудің маңызын жақсы біледі. 23 тамызда сайлау учаскесіне келіп, өз таңдауыңызды жасаңыз, - делінген кәсіпорын ақпаратында.