Жоба аясында қатысушылар өз өнімдерін ұсынып қана қоймай, оларды сарапшылар алдында қорғады, деп хабарлайды Buqara.kz сайтының тілшісі.

Бірі шұжық әкелсе, енді бірі алтай балы, балқарағай піспенан, ірімшік, тосап, шөп тұнбалары, қолдан жасалған косметика, киізден жасалған бұйымдар, дәстүрлі музыкалық аспаптар және кәдесыйлар әкелді.
ШҚО Кәсіпкерлер палатасы баспасөз қызметінің мәлімдеуінше, сарапшылар көрмеге қойылған өнімдерді қарап, өндіріс технологиясы, шикізат, даму перспективалары және жаңа нарықтарға шығу мүмкіндіктері туралы сұрақтар қойды.
Жалпы шолудан кейін 10 жеңімпаз анықталды:
Раушан Рахимова-Чупенова (Күршім) – шұжықтар;
Фархат Қадырбаев (Өскемен) – киіз бұйымдары;
Алексей Қасымбаев (Өскемен) – бал өнімдері;
Алексей Серохвостов (Шемонаиха) – шұжықтар;
Жанарбек Қазез (Қасым Қайсенов кенті) – ұлттық музыкалық аспаптар;
Алмас Сетербаев (Ушанов) – шөп тұнбалары және фито өнімдер;
Сандуғаш Айтқажы (Зайсан) – табиғи косметика;
Айнаш Нұрқасымова (Катонқарағай) – қарағай жаңғағынан жасалған піспенан;
Николай Хоруженко (Шемонаиха) – қолдан жасалған ірімшік;
Жібек Ерланова (Катонқарағай) – үйде жасалған тосап.
Енді жеңімпаздар маңызды жаңа кезеңде бақ сынайды. Олар 5 миллион теңгеге дейінгі гранттар байқауына қатыса алады. Бұл қаражат кәсіпкерлерге өндірісті кеңейтуге, қажетті жабдықтарды сатып алуға және өнімдерін келесі деңгейге көтеруге көмектеседі.