Кеше таңертең Абай даңғылында жол-көлік оқиғасы болды. Жолды белгіленбеген жерден кесіп өткен жаяу жүргіншіні көлік қағып кетті, деп хабарлайды Buqara.kz сайтының тілшісі. 

ШҚО Полиция департаментінің мәліметінше, Subaru Outback көлігінің жүргізушісі 52 жастағы әйелді қағып кеткен. Жаяу жүргінші тыйым салынған жерден өтіп бара жатқан.
– Жол-көлік оқиғасы салдарынан жаяу жүргінші жарақат алып, медициналық мекемеге жеткізілді, - делінген ақпаратта.
Қазір жол апатына қатысты тексеру жүргізіліп жатыр. Оның қорытындысы бойынша қолданыстағы заңнамаға сәйкес процессуалдық шешім қабылданады.