«Қазгидромет» РМК бүгінге, 2 қарашаға арналған дауылды ескерту жариялады. Алматы мен Шымкент қалаларында, сондай-ақ бірқатар өңірде өрт қаупі жоғары болады, деп хабарлайды Buqara.kz сайтының тілшісі BAQ.KZ сайтына сілтеме жасап. 

Шығыс Қазақстан мен Солтүстік Қазақстан облыстарында жаңбыр мен қар жауып, көктайғақ күтіледі. Павлодар, Жетісу және Жамбыл облыстарында желдің екпіні секундына 15-20 метрге дейін жетуі мүмкін.

Бірқатар өңірде түнде және таңертең тұман түседі. Алматы, Жетісу, Қызылорда облыстарында ауа температурасы нөлден төмендейді. Ұлытау, Атырау және Қызылорда облыстарында төтенше өрт қаупі сақталады.