Кәсіпкерлер зауытты жеңілдікпен жалға алып немесе сатып алуларына болады, деп хабарлайды Buqara.kz сайтының тілшісі.

Қазір мүлік кешені «ӘКК Ертіс» АҚ-ға тиесілі.
– Кешен шағын өнеркәсіптік аймақ құру үшін қажетті құралдармен толық жабдықталған, - деді ШҚО Кәсіпкерлік және өнеркәсіп басқармасының басшысы Исатай Ансат.
Алаңда 24 000 шаршы метрлік өндіріс орны, 10 000 шаршы метр әкімшілік және тұрмыстық кеңістік (жеті ғимарат), 8 000 шаршы метр жылытылатын қойма алаңы және қосалқы станциялар бар.
– Дайын өндірістік ғимараттардың, қоймалардың және басқа да коммуналдық қызметтердің болуы мүлік кешенін ауқымды құрылыссыз экономикалық айналымға енгізуге мүмкіндік береді. Сонымен қатар оның орналасқан жері кәсіпкерлерге ауылдарды мемлекеттік қолдау шараларына, соның ішінде «Ауыл аманаты» жеңілдікпен несие беру бағдарламасына қол жеткізуге мүмкіндік береді: өндіріс пен өңдеуді дамыту үшін жылына 2,5% мөлшерлемемен 34 миллион теңгеге дейін, - деді басқарма басшысы.