Шілікті ауылына қарасты «Қос өткел» учаскесінде 1963 жылы туған ер адамды іздеу жұмыстары жүргізілді, деп хабарлайды Buqara.kz сайтының тілшісі BAQ.KZ сайтына сілтеме жасап.

Ер адам үйінен атпен шығып, малын тексеруге кеткен. Алайда қайта оралмаған. Қою тұман салдарынан бағытынан жаңылып, өздігінен кері жолды таба алмаған.

ШҚО Төтенше жағдайлар департаменті, полиция және жергілікті атқарушы органдар қызметкерлерінен құралған іздеу тобы ер адамды «Қос өткел» учаскесінен 20 шақырым жерден тапты.

Ер адам зардап шеккен жоқ және медициналық көмекті қажет етпеді.