“Қазгидрометтің” мәліметінше, 10–13 қараша аралығында облыстың таулы және тау бөктеріндегі аудандарында мол жауын-шашын күтіледі, деп хабарлайды Buqara.kz сайтының тілшісі.

Осыған байланысты беткейлік ағындар қалыптасып, өзендердің жоғарғы ағысынан келген судың төменгі бөлігіне жетуі салдарынан өзендердегі су деңгейі көтерілуі мүмкін.
ШҚО Төтенше жағдайлар департаменті тұрғындарға арықтар мен жылға арналарын қоқыспен бітемеуді ескертеді.
Сондай-ақ гидрологиялық жағдайға қатысты ресми ақпараттарды тұрақты түрде қадағалау ұсынылады.