Бәсекелестікті қорғау және дамыту агенттігінің ШҚО бойынша департаменті Ана мен бала орталығына қатысты тексеруді аяқтады, деп хабарлайды Buqara.kz сайтының тілшісі. 

Ведомствоның хабарлауынша, тергеп-тексеру нәтижелері бойынша ақылы медициналық қызметтер қымбат бағада көрсетілген. 
- Былтырғы жылдың 9 айында «жұмыстан тыс уақытта босандыру үшін акушерді таңдау» қызметінің бағасы 128%-ға, «дәрігердің жұмыстан тыс уақытта босандыруы» қызметінің құны 118%-ға өскен, - делінген ақпаратта. 
Аталған жағдай бойынша 30 мамырда әкімшілік іс қозғалып, сотта қаралды.
Сот қаулысымен орталыққа 1 763 950 теңге айыппұл салынып, 3 014 826 теңге көлеміндегі монополиялық кіріс мемлекет пайдасына тәркіленді.