Өңірде 14 ақпаннан 20 наурызға дейін рейд өтеді, деп хабарлайды Buqara.kz сайтының тілшісі.

ШҚО Полиция департаментінің мәліметінше, рейд кезінде қызметтік және спорттық қаруды пайдаланатын заңды тұлғалар тексеріледі. 
- Соның ішінде ату тирлерін, аң аулау және балық аулау шаруашылықтарын, жеке күзет компанияларын, банк инкассация қызметтерін, «Қазпошта» АҚ нысандарын мен спорт ұйымдарын тексеру жоспарда бар, - делінген ресми жауапта. 
Департаменттің есебінде 136 нысан бар, оның 96-сы тексерілді. Нәтижесінде үш әкімшілік бұзушылық анықталып, қолданыстағы заңнамаға сәйкес шаралар қолданылды.