Бұл жерде кез келген азамат қажетті құқықтық ақпаратпен тегін танысып, мемлекеттік электрондық сервистерді пайдалана алады, деп хабарлайды Buqara.kz сайтының тілшісі.

Қала әкімдігінің мәліметінше, кабинетте «Әділет» ақпараттық-құқықтық жүйесіне және «Заң» деректер базасына қол жеткізу мүмкіндігі бар. Сондай-ақ қолданыстағы нормативтік-құқықтық актілермен танысып, e-Otinish арқылы өтініш жолдауға, eGov порталындағы қызметтерді пайдалануға, «Ашық НҚА» порталына кіруге болады. Бұдан бөлек, келушілер компьютер мен принтерді пайдалана алады.  
«Құқық кабинеті» Пермитин көшесі, 17 мекенжайы бойынша қала әкімдігінің ғимаратында орналасқан. 
Жұмыс уақыты: жұмыс күндері сағат 08:00-ден 17:30-ға дейін.