13 ақпан сағат 08:30-да Шығыс Қазақстан облыстық қан орталығында Ашық есік күні ұйымдастырылады, деп хабарлайды Buqara.kz сайтының тілшісі.

Оған ШҚО Денсаулық сақтау басқармасының мамандары және қалалық денсаулық сақтау ұйымдарының басшылары қатысады.

Іс-шара ҚР Денсаулық сақтау министрлігінің жариялаған тегін донорлық қан айлығы аясында өтеді. 

Мақсаты — денсаулық сақтау саласының жетекшілерін орталық жұмысы, қан алу және қауіпсіздік шараларымен таныстыру, қоғамда донорлық мәдениетті насихаттау.

Бағдарлама бойынша қан орталығына экскурсия мен қан тапсыруға қатысу жоспарланған.