Ауа райының қолайсыздығына байланысты полицейлер Өскемен – Алматы тасжолында қозғалыс қауіпсіздігін қамтамасыз етті, деп хабарлайды Buqara.kz сайтының тілшісі.

Төтенше жағдайлардың алдын алу мақсатында ШҚО Полиция департаментінің 200-ге жуық көлікті қауіпсіз жерге жеткізді. Қозғалыс сақтық шараларын сақтай отырып, патрульдік экипаждардың бақылауымен ұйымдасқан колонналармен жүзеге асырылды.

- Полиция күшейтілген режимде жұмыс істеуді жалғастыруда. Қосымша жасақтар жұмылдырылып, төтенше жағдайлар қызметтерімен өзара іс-қимыл орнатылған.

ШҚО Полиция департаменті жүргізушілерді ауа райы жағдайын ескеруге, жылдамдық режимін сақтауға және алыс сапарлардан бас тартуға шақырады. Азаматтардың қауіпсіздігі өңірлік полиция жұмысының басты басымдығы болып қала береді, - делінген ШҚО Полиция департаментінің ақпаратында.