Өткен сенбіде қаладағы облыстық көпсалалы онкология және хирургия орталығында Ашық есік күні өтті, деп хабарлайды Buqara.kz сайтының тілшісі. 

Шара онкологиялық аурулардың алдын алу және ерте анықтау мақсатында ұйымдастырылған болатын. Денсаулық сақтау басқармасының баспасөз қызметі хабарлағандай, шараға шамамен 200 адам қатысты. Тегін қабылдау кезінде онколог дәрігерлер 12 адамның онкологиялық ауруларын анықтады. 6 адамның қатерлі ісікке бейім жағдайы тіркеліп, сондай-ақ 86 адамда қосымша тексеруді қажет ететін басқа да аурулар табылған.

Қабылдауға өңірдің әртүрлі қаласы мен аудандарынан тұрғындар келді.