Сіз бейкүнә періштесіз рас маған,
Бал сезімнің буына елтіп мастанам.
Алып ұшып барғанменен өзіңе,
Жаңылысып қалам ба деп жасқанам.
 
Сіз күлсеңіз, салатындай аспан ән,
Бар болмысың, баз тірліктен басқа мән.
Жалғандағы жұмбақ жаратылыссыз,
Құпиясын жан баласы ашпаған.
 
Тәңірім-ау, неткен жансыз тым биік,
Көңіліме қайғы салдың мұңды үйіп,
Мазасыздау күйге оранды маңдайым,
Түн қалтырап, күн күйіп.
 
Сіз бейкүнә періштесіз рас, маған,
Бал сезімнің буына елтіп мастанам.
Алып ұшып барғанменен өзіңе,
Жаңылысып қалам ба деп жасқанам?!
                                Ермек Дайырбаев