Ертең облыстың солтүстігінде, оңтүстігінде  бұрқасын күтіледі, деп хабарлайды Buqara.kz сайтының тілшісі. 

«Қазгидромет» РМК ШҚО филиалы өкілдері 23-ші қарашаға арналған ауа-райы болжамын ұсынды.
– Сенбі күні облыстың солтүстігі мен оңтүстігінде бұрқасын күтіледі. Жел солтүстік-батыстан соғады, облыстың шығысында, оңтүстігінде желдің екпіні 15-20 м/с құрайды, – деді синоптиктер.
Сондай-ақ Төтенше жағдайлар департаменті мамандары алыс жолға шықпауды және жел екпіні қатты кезінде сымдар мен тербелетін заттарға, автобус аялдамаларының артына, ағаштардың астына тығылмау керектігін еске салады. 
– Төтенше жағдай кезінде бірден «112» нөміріне хабар беріп, сондай-ақ құтқарушыларды шақыру үшін ұялы телефон мен қуаттандырғышты әрдайым өзіңізбен бірге ала жүріңіз, – делінген мәліметте.