Шығыс Қазақстан облысында алаяқтар әкімдік қызметкерлері атынан халыққа хабарласуда, деп хабарлайды Buqara.kz сайтының тілшісі. 

Әкімдіктің атын жамылып, халыққа хабарласатын алаяқтар тыйылмай тұр. Соған байланысты ШҚО әкімдігі тұрғындарға ескерту жасады. 
- Әлеуметтік желілер мен мессенджерлерде орталық және жергілікті мемлекеттік мекеме басшылары атынан фейк парақша ашып, түрлі сылтаумен, көбінесе қарызға ақша сұрап хабарлама жіберген жағдайлар көбейіп кетті. Осы орайда алаяқтардың арбауына түспеулеріңізді және осындай хабарлама алған жағдайда құқық қорғау органдарына хабарласуыңызды сұраймыз, - деп хабарлады әкімдіктің баспасөз қызметі.