Ресми мәліметке сүйенсек, тарифтердің қолжетімділігін қамтамасыз ету мақсатында жергілікті бюджеттен 168 бағыттың 150-і субсидияланады, деп хабарлайды Buqara.kz сайтының тілшісі.

ШҚО жолаушылар көлігі және автомобиль жолдары басқармасы басшысының міндетін атқарушы Қуаныш Акрамовтың сөзінше, осы жылы облыста аймақ ішіндегі  бағыттар бойынша жолаушылар ағыны 25%-ға артты. Бұл өсім мемлекет тарапынан көрсетілген субсидиялаудың нәтижесінде мүмкін болды. 
– Биыл 10 ай ішінде жолаушылар тасымалы саласында қызмет көрсету сапасын арттыру бағытында айтарлықтай жұмыстар атқарылды. Осы кезеңде 59,4 миллион жолаушы тасымалданып, облыста көлік белсенділігінің жоғары деңгейін көрсетті. Тұрақты көлік қатынасы облыс аумағының 75%-ын қамтиды, бұл 318 елдімекеннің 226-сына қызмет көрсетеді, – деді жауапты тұлға.
Тарифтердің қолжетімділігін қамтамасыз ету мақсатында жергілікті бюджеттен 168 бағыттың 150-і субсидияланады. 2024 жылы субсидиялауға 10,2 миллиард теңге бөлінді, бұл өткен жылғы 6,1 миллиард теңгемен салыстырғанда 40%-ға көп. Қаржыландыру келесідей бөлінді:
 • 9,6 миллиард теңге 147 автобус бағытына, оның ішінде қала ішіндегі, қала маңындағы және аудан ішіндегі бағыттарға;
 • 450 миллион теңге «Өскемен-1 – Алтай» және «Өскемен-1 – Риддер» бағытындағы екі теміржол бағытына бөлінді;
 • 187,1 миллион теңге «Өскемен – Зайсан» әуе бағытына жұмсалды.

Фотосурет ашық дереккөзден