«Қазгидромет» РМК ШҚО филиалы өкілдері 24-ші қазанға арналған ауа-райы болжамын ұсынды, деп хабарлайды Buqara.kz сайтының тілшісі.

Анықталғандай 24-ші қазанда облыстың батысында, солтүстігінде, шығысында қар аралас жаңбыр жауып, көктайғақ күтіледі. Облыстың шығысында тұман түсуі ықтимал.
- Құрметті жүргізушілер, жолға шығар алдында жүксалғышта сүйреткіш арқан, ескерту үшбұрышы, жанармай қоры, күрек, қол шам, алғашқы медициналық көмек көрсету қобдишасы, жылы киім және тамақтың бар-жоғын тексеріңіздер. Егер көлігіңіз жабдықталмаған болса, алыс сапарға шықпағаныңыз жөн, - дейді құтқарушылар.
Төтенше жағдай кезінде бірден «112» нөміріне хабар беріп, құтқарушыларды шақыру үшін ұялы телефон мен қуаттандырғышты әрдайым өзіңізбен бірге ала жүріңіз.