Полиция қызметкерлері конструкциясына рұқсатсыз өзгеріс енгізілген Lada автокөлігін анықтады, деп хабарлайды Buqara.kz сайтының тілшісі. 

Тексеру барысында көлікке LED үлгісіндегі жарықдиодты шамдар орнатылып, сондай-ақ шығару жүйесінің қайта жабдықталғаны белгілі болды.
– Мұндай өзгерістер шу деңгейінің жоғарылап, жол қозғалысына қатысушылар мен қала тұрғындарына қолайсыздық туғызуы мүмкін, – деді ШҚО Полиция департаментінің баспасөз қызметі өкілдері. 
Көлік жүргізушісі анықталды. Ол – Өскемен қаласының 19 жастағы тұрғыны. Аталған факті бойынша жүргізушіге қатысты екі әкімшілік хаттама толтырылды.