Елімізде жыл сайын 1 қазанда қарттар күні атап өтіледі. Бүгінде елімізде ғасырлық межеден асқан 44 зейнеткер бар. Олар — шаһарлардың қалыптасуына, жаңа ұрпақтың өсіп-өркендеуіне куә болған тұлғалар, деп хабарлайды Buqara.kz сайтының тілшісі KAZINFORM сайтына сілтеме жасап. 

«Азаматтарға арналған үкімет» мемлекеттік корпорациясының дерегіне сәйкес, әйелдер арасында еліміздегі ең жасы үлкен зейнеткер — 106 жаста, ол Шымкент қаласында, отбасының ортасында өмір сүріп жатыр.

— Ал Алматы қаласында тұратын 104 жастағы Екінші дүниежүзілік соғыс ардагері, биология ғылымдарының докторы, профессор, академик атамыз — ер азаматтар арасындағы ең жасы үлкен зейнеткер саналады, — делінген хабарламада.

Қазіргі таңда Қазақстан бойынша 2,4 миллионнан астам азамат зейнетақы төлемдерін алады. Олардың 64%-ы әйелдер, ал 36%-ы ер адамдар.