Бұл туралы «Одесса» паромының иесі Евгений Филиппов мәлімдеді. Ол осыны айтты да, жергілікті инфрақұрылымды дамытуға қолдау білдірген жергілікті билікке алғысын жеткізді, деп хабарлайды Buqara.kz сайтының тілшісі. 

Оның айтуынша, жолаушылар саны навигациялық маусымның небәрі бес айға созылса да, өскен. Туристер саны артуына Самар ауданындағы туристік саланың дамуы мен паром өткелі аумағының абаттандырылуы әсер еткен.
Евгений Филиппов аудан басшылығына көрсеткен қолдауы мен паромды күткен жолаушыларға қолайлы жағдай жасағаны үшін алғыс білдірді.
Навигациялық маусым басында аудан әкімі Серік Жеңісов өткел аумағын абаттандыруға барынша көмектесіп, тиісті жұмыстар жүргізілетінін айтқан. Нәтижесінде мұнда орындықтар орнатылып, жарықтандыру жүргізілген, қоқыс контейнерлері қойылды.
Маусым бойы Сарыбел ауылдық округі тұрғындары мен әкімдігі аумақта сенбіліктер ұйымдастырып отырған.