Қазақстандағы ауа райы жағдайларын ескере отырып, биылғы өрт қаупі бар маусымның аяқталу күндері анықталды, деп хабарлайды Buqara.kz сайтының тілшісі.

Бүгінгі жағдай бойынша өрт маусымы Ақмола, Атырау, Ақтөбе, Шығыс Қазақстан, Қарағанды, Қостанай, Солтүстік Қазақстан, Павлодар, Батыс Қазақстан және Маңғыстау облыстарында, сондай-ақ Абай және Ұлытау облыстарында аяқталды.

20 қарашада өрт маусымы Алматы, Жамбыл, Қызылорда, Түркістан және Жетісу облыстарында аяқталады.

– Кейбір аймақта ормандар мен қоршаған ортаны қорғау заңнамасының сақталуын қамтамасыз ету үшін әуе патрульдері жалғасады. Өрт маусымының аяқталуына қарамастан, орман шаруашылығы және қоршаған ортаны қорғау агенттіктері ормандарды тұрақты негізде қорғауды және сақтауды жалғастыра бермек, – делінген Экология министрлігі берген мәліметте.