Мамандар айтуынша, дауылды және басқа да ескертулер барлық байланыс арналары арқылы таратылады, деп хабарлайды Buqara.kz сайтының тілшісі.

Дегенмен ескертуді елемей, жабық жолдарға шығып, мұзда балық аулайтындар кездесіп жатады. ШҚО Төтенше жағдайлар департаменті жедел-құтқару жасағының басшысы Игорь Лапенлавскийдің сөзінше, ауа райы бұзылғанда мүлде жолға шығып керегі жоқ.
– Қыс мезгілі – біз үшін өте қиын кезең. Қазіргі таңда барлық техника мен бөлім дайын тұр. Біздің басты міндетіміз – адамдарды төтенше жағдайдан шығарып, жылы жерге дейін жеткізу. Сондықтан тұрғындар ескертулер мен жеке қауіпсіздігіне немқұрайлылы қарамаса екен деймін, - деді ол.