Облыс орталығының жаңа тағайындалған басшысы Алмат Ақышов қала тұрғындарын жеке мәселелері бойынша қабылдады, деп хабарлайды Buqara.kz сайтының тілшісі. 

- Бүгін Өскемен қаласының әкімі ретінде бірінші жеке қабылдауымды өткіздім. Тұрғын үй, жер қатынастары, көлік және жол мәселелері талқыланды. Тұрғын үй бойынша кезек тәртібі түсіндірілді. Барлық азаматтар белгіленген тәртіппен тұрғын-үймен қамтамасыз етіледі, - деді Алмат Ақышов.
Сондай-ақ жер қатынастарында учаскелерді бөлудің заңдылықтары түсіндірілген. 
- Көлік пен жолға қатысты №260 маршрут, жылы аялдамалар орнату және жолдарды жөндеу жоспарлары талқыланды. Барлық мәселелер бақылауымда, олар уақтылы шешіледі, - деді ол өзінің жеке парақшасында.