Облыс орталығында 20-31 желтоқсан аралығында «Шырша» республикалық жедел-профилактикалық шарасы өтуде, деп хабарлайды Buqara.kz сайтының тілшісі.

Жаңа жыл қарсаңында жергілікті полицейлер табиғатты қорғау органдарымен бірлесіп, шыршаны заңсыз кесу, дайындау, тасымалдау және сатудың алдын алу мақсатында «Шырша» жедел-профилактикалық іс-шарасын ұйымдастырып жатыр. 
Осылайша, тәртіп сақшылары қаладағы қылқан жапырақты ағаштарды бөлшек саудада, базарда заңсыз сату фактілерінің жолын кесуге баса назар аударады.
Мобильді топ құрылып, тәулік бойы рейдтер жүргізілмек.