Халықаралық ақпарат агенттігі Қазақстанда 17 қаңтар күні өтетін маңызды іс-шаралар аңдатпасын ұсынады, деп хабарлайды Buqara.kz сайтының тілшісі kazinform-ға сілтеме жасап.

АСТАНА

09:30-да Wyndham Garden Astana қонақүйінде АҚШ-тың Қазақстандағы Дипломатиялық миссиясының қолдауымен «JumpStart» бағдарламасының Демо күні өтеді.

09:30-да Astana Hub ғимаратында Қазақстан Республикасының «Телекоммуникациялар және деректерді өңдеу туралы» заңының жобасын әзірлеу» тақырыбында стратегиялық сессия өтеді.

12:30-да Ұлттық Банктің негізгі мөлшерлеме бойынша шешім қабылдау факторларын түсіндіру мақсатында баспасөз-брифингі өтеді.

19:00-де Қалибек Қуанышбаев атындағы Қазақ ұлттық музыкалық драма театрында «Қызыл орамалды шынарым» лирикалық драмасы қойылады. 

19:00-де Жас көрермендердің музыкалық театрында нашақорлық туралы S.O.S. драмасының тұсаукесері өтеді.