6-7 наурызда облыс орталығында бірінші республикалық «Ғасырлық дәстүрлер» кілем тоқу және сәндік-қолданбалы өнер фестивалі ұйымдастырылады, деп хабарлайды Buqara.kz сайтының тілшісі.

Шара Халықаралық әйелдер күні мен Жұмысшы мамандықтары жылына орай Шығыс Қазақстан облыстық филармониясында (Протозанов, 43 көшесі) өтеді. 

7 наурызда сәндік-қолданбалы өнер көрмесі мен жәрмеңкенің ашылу салтанатында  қолөнер шеберлері өз жұмыстарын ұсынады. Қонақтар шеберлік сабақтарына қатысып, кілем тоқу өнерінің қыр-сырын меңгере алады. 

Фестиваль Халықаралық әйелдер күніне арналған мерекелік шарамен аяқталады. Қазылар алқасы жеңімпаздарды анықтап, дипломдар мен ақшалай сыйлықтарды табыс етеді.