"Өскемен-Самар" тасжолының 132-137 шақырым учаскесі қардан тазартылды, деп хабарлайды Buqara.kz сайтының тілшісі.

Бүгін мұнда 4 жарылыс жүргізіліп, 1 330 текше метр қар түсірілді.

Мамандардың айтуынша, Шығыс Қазақстан қар көшкіні қаупі бар өңірлердің біріне жатады. 

- Тауға шықпас бұрын ауа райымен танысу қажет. "112" қызметінің дауылды ескертулеріне назар аударып, қар көшкіні кезінде жолға шықпаған дұрыс, - деді ШҚО ТЖД ТЖ алдын алу басқармасының бастығы Арман Наурызбаев.

Айта кетейік, қар көшкіні негізінен негізінен таулы аудандарда болады. Оған қардың ұзақ уақыт жаууы, оның қарқынды еруі, ауа температурасының ауытқуы себеп болуы мүмкін.