Қала әкімдігі 20 наурыздан бастап облыс орталығында мемлекеттік органдар мен бюджеттік ұйымдардың жаңа жұмыс кестесі күшіне енетінін мәлім етті, деп хабарлайды Buqara.kz сайтының тілшісі. 

Жаңа ережеге сәйкес, жұмыс күні сағат 08:00-де басталып, 17:30-да аяқталады, түскі үзіліс 12:00-ден 13:30-ға дейін белгіленді. 

Дегенмен балабақшалар мен ауруханалардың жұмыс уақыты өзгеріссіз қалды. 

Ал білім ордаларының жұмыс кестесі туралы шешім талқылаудан кейін қабылданады.

Еске салайық, сабақ 08:00-де басталатын мектептерде оқу күнін 07:30-ға ауыстыру ұсынылып отыр.