2025 жылғы 22 сәуір мен 7 мамыр аралығында сағат 10:00-ден 13:00-ге дейін рейстер кешігіп немесе кейінге шегерілуі мүмкін, деп хабарлайды Buqara.kz сайтының тілшісі.

«Эйр Астана» компаниясы Астана әуежайының уақытша жабылуына байланысты кейбір рейстердің ұшу уақыты ауысқанын мәлімдеді. Бұл өзгерту Ұлы Жеңістің 80 жылдығына арналған әскери парадқа дайындық мақсатында енгізілді. Түзетулер Астанадан Алматыға, Өскеменге, Франкфуртке, Дохаға және Алматыдан Атырау, Қостанай, Өскемен, Франкфурт, Сеулге және Дохадан Астанаға қатынайтын рейстерге әсер етеді.

- Ұшу кестесіне жасалған өзгерістер әсер еткен жолаушыларға әуе билетін брондаған кезде көрсеткен байланыс нөмірлері арқылы хабар беріледі, — деп мәлімдеді әуе компаниясының баспасөз қызметі.

Сондай-ақ рейсіңіздің бағытын тәулік бойы жұмыс істейтін брондау және ақпарат орталығынан білуге ​​болады: help.airastana.com, мына телефондар бойынша: 8 (7272) 44-44-77, 8 (7172) 58-4477, 8-702-702-44-77, 8 (72744-8) рейстің кешігуі жағдайында - 8 (72744-8) және 8-702-702-00-74 (WhatsApp), Онлайн чат: airastana.com.