Алдағы сенбіде облыс орталығында ауылшаруашылығы жәрмеңкесі ұйымдастырылады, деп хабарлайды Buqara.kz сайтының тілшісі.

10 мамыр сағат 08:00-15:00 аралығында «Алтай» көтерме және бөлшек сауда орталығы аумағында (Жібек Жолы, 44) өтетін жәрмеңкеде Өскемен қаласының кәсіпкерлері нарықтан төмен бағадағы өнімдерді ұсынады.

Бұдан бөлек, Достық үйінің алдында (Н.Назарбаев, 68) жергілікті тауар өндірушілердің жәрмеңкесі ұйымдастырылады.

Тұтынушылар тиімді бағада ет, сүт өнімдерін, бал, шұжық, көкөністер мен жеміс-жидектерді сатып ала алады.