Қала әкімдігі баспасөз қызметінің мәліметінше, Жеңіс күніне арналған іс-шаралардың өткізілуіне байланысты «Жеңіс» мемориалдық кешенінің аумағында автокөлік қозғалысына уақытша шектеу қойылады, деп хабарлайды Buqara.kz сайтының тілшісі.

Сағат 08:00-ден 22:00-ге дейін келесі көшелерде қозғалыс жабылады:

Славский көшесі – Лихарев көшесінен бастап мемориалға дейін;

Протозанов көшесі – Крылов көшесінен бастап мемориалға дейін.

Сонымен қатар сағат 08:00-ден 10:00-ге дейін Қазыбек би көшесі жабылады (Сәтбаев көшесінен бастап Өтепов көшесіне дейін).

Қала әкімдігінің өкілдері тұрғындардан қозғалыс бағыттарын алдын ала жоспарлауды сұрап, уақытша шектеулерге түсіністікпен қарауды өтінеді.