2025 жылдың қаңтар-наурыз айларында елде 77,3 мың нәресте дүниеге келді, бұл өткен жылмен салыстырғанда 16%-ға аз. Бұл – 2014 жылдың алғашқы тоқсанынан бергі ең төменгі көрсеткіш, деп хабарлайды Buqara.kz сайтының тілшісі BAQ.KZ сайтына сілтеме жасап.

Ұлттық статистика бюросының мәліметінше, туу көрсеткіші еліміздің барлық өңірінде төмендеген. Ең көп азайған аймақтар – Ақмола облысы (-22%) және Жетісу облысы (-20,1%).

Жалпы туу коэффициенті (әр мың адамға шаққанда) да төмендеді – 15,39 (-2,94).

Қайтыс болғандар саны да 7,2%-ға азайып, 31 мың адамды құрады. Алайда табиғи өсім (туғандар мен қайтыс болғандардың айырмасы) да 20,7%-ға кеміп, 46,3 мың адамға жетті.