Бүгін еліміздің төрт қаласында қолайсыз метеорологиялық жағдай қалыптасып, ауа ластанады , деп хабарлайды Buqara.kz сайтының тілшісі "Қазгидромет"-ке сілтеме жасап.

- 2025 жылғы 22 мамырда Өскемен, Семей, Риддер, Алматы қалаларында ауаның ластануының қолайсыз метеорологиялық жағдайлары күтіледі, – деп жазылған "Қазгидромет" берген хабарламада.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.