Қазақстан алтын қоры бойынша әлемдегі жетекші 20 елдің қатарына енді. Бұл туралы өнеркәсіп және құрылыс вице-министрі Иран Шархан Астанада өткен Халықаралық тау-кен металлургия конгресінде айтты, деп хабарлайды Buqara.kz сайтының тілшісі BAQ.KZ сайтына сілтеме жасап. 

Оның айтуынша соңғы 10 жылда елімізде алтын кенін өндіру көлемі 2,2 есеге артты.

• Сәйкесінше тазартылған алтын өндірісі екі есеге өсті. Осылайша Қазақстан алтын қоры бойынша әлемдегі 20 жетекші елдің қатарына кірді, – деді Иран Шархан.

Вице-министрдің мәліметінше, бұл 420 миллиард теңге инвестиция тартуға мүмкіндік берді.

Соынмен қатар вице-министр 2026 жылға қарай барлау алаңын 1,9 миллион шаршы шақырымнан 2,2 миллион шаршы шақырымға дейін ұлғайту жоспарланып отырғанын айтты.

Дүниежүзілік алтын кеңесінің мәліметі бойынша 2025 жылы алтын қоры бойынша ТОП-3 ел:

• АҚШ (8,13 мың тонна),

• Германия (3,35 мың тонна),

• Италия (2,45 мың тонна).