13 маусым күні Шығыс Қазақстан облыстық қан орталығында Ашық есік күні ұйымдастырылады, деп хабарлайды Buqara.kz сайтының тілшісі.

Шараның мақсаты – ерікті түрде тегін қан тапсыруды насихаттау, халықтың қан тапсырудың маңызы туралы хабардарлығын арттыру, қан қызметі жүйесіне ашықтық пен сенім қалыптастыру.
Салтанатты ашылу сағат 10:00-де басталады. Донорларға алғыс хаттар мен мен номинациялар, сыйлықтар табысталады. Сондай-ақ мерекелік концерт өтеді.
Қан тапсырушыларды Көкжал Барақ көшесі, 11 мекенжайы бойынша сағат 08:30-дан 13:00-ге дейін үзіліссіз қабылдайды.
Аталған акцияның ұраны - "Қан тапсырыңыз – үміт сыйлаңыз. Бірге өмірді сақтаймыз!"