«Шығыс Жылу» АҚ 12 маусым-29 тамыз аралығында жылу желілерінде жөнделетінін мәлім етті, деп хабарлайды Buqara.kz сайтының тілшісі. 

ТК-7101 учаскесінен (Пермитин – Қабанбай батыр көшелерінің қиылысы) ТК-7101-7 учаскесіне (Новаторов – Қабанбай батыр көшелерінің қиылысы) дейінгі жерде жөндеу жұмыстары жүргізіледі.

Жұмыс уақытында жол қозғалысына шектеулер енгізілді:

Пермитин көшесінен Буров көшесімен қиылысына дейін оң жақ жолақты тарылту;

Буров – Қабанбай батыр көшелерінің қиылысынан Новаторов – Қабанбай батыр көшелерінің қиылысына дейін оң жақ жолақты тарылту;

Желтоқсан көшесінен Қабанбай батыр көшесіне қарай оңға бұрылу жабылады.

Бұдан бөлек, 14-23 маусым аралығында Крылов көшесінің бойындағы көпірдегі жол төсемін орташа жөндеу жұмыстарының басталуына байланысты Крылов көшесінен Астана көшесіне дейінгі көпірде көлік қозғалысы бағыты жабылады.