Жұмыс ұзаққа созылғанымен, Протозанов көшесінен Астана көшесіне дейінгі қозғалыс жолағын ашу мерзімі белгілі болды, деп хабарлайды Buqara.kz сайтының тілшісі. 

Қалалық ТҮКШ бөлімінің мәліметінше, қазіргі уақытта аталған учаскеде асфальт төселіп жатыр.
— Қосымша жұмыстар жүргізілгендіктен, қозғалысты ашу мерзімі кейінге шегерілді. Яғни, 26 маусымда ашылады, — деп хабарлады ведомстводан.
Бір жолақты бағыт ашылған соң көпірдің қарсы бетінде жөндеу басталады. Бұл учаскені шамамен 10 тамызға дейін жабу жоспарланып отыр.