Өскемен қалалық соты моральдық зиянды өтеу туралы істі қарады, деп хабарлайды Buqara.kz сайтының тілшісі.

Белгілі болғандай, әйел қала тұрғынына көпшілік алдында әдепсіз сөздер айтқан. Бұл әрекеті үшін ол ҚР ӘҚБтК-нің 434-бабы («Ұсақ бұзақылық») бойынша жауапқа тартылды. 

Жәбірленуші сотқа арызданып, моральдық шығын үшін 200 мың теңге өтемақы талап етті. 

Нәтижесінде сот құқық бұзушыны 20 мың теңге төлеп, 2 мың теңгеге жуық мемлекеттік бажды өтеуге міндеттеді.

Апелляциялық сот шешімді өзгеріссіз қалдырды.