Өскемен гарнизоны 27943 әскери бөлімінде «Жақсылық жаса» ұранымен ұйымдастырылған «Мектепке жол» акциясы аясында оқушыларға қолдау көрсетілді, деп хабарлайды Buqara.kz сайтының тілшісі

Акцияға "Фирма "НКГ" ТОО директоры, Өскемен қалалық мәслихатының депутаты Коротин Сергей Викторович, «LUI BUTON» гүлдер салоны, сондай-ақ «Алатау Сити Банк» АҚ қатысып, балаларға сөмке мен мектепке қажетті құрал-жабдықтар табыстады.

-Көмек алушылардың тізімі әскери қызметкерлердің әлеуметтік жағдайына қарай анықталады. Бұл шараның басты мақсаты – балалардың әлеуметтік себептер бойынша мектепке бармай қалуына жол бермеу, - деді 27943 әскери бөлім командирі Жаннұр Сатқынов.

Айта кету керек, бұл игі шара аз қамтылған және көп балалы отбасылардың балаларына, жетім және ата-анасының қамқорлығынсыз қалған оқушыларға жаңа оқу жылына дайындықта көмектесуді көздейді.