Облыс орталығында дәстүрге айналған «Oskemen qalaysyn» интерактивті ойын-сауық кеші биыл төртінші жыл қатарынан ұйымдастырылды, деп хабарлайды Buqara.kz сайтының тілшісі. 

Шара ҚР Конституциясының 30 жылдығы мен қала күні қарсаңында өтіп, тұрғындарға ерекше көңіл-күй сыйлады.
- Биыл қатысушылар саны өткен жылмен салыстырғанда қарағанда әлдеқайда көп. Бұл Өскемен тұрғындарының жобаны жақсы қабылдағанын көрсетеді, – деді жүргізуші Ануар Ахметкалиев. 
Кеш барысында 20-ға жуық түрлі ойын-сауық ұйымдастырылды. Қатысушылар ақ түсті киім киіп, көтеріңкі көңіл-күйде болды.
- Басты мақсат – қала тұрғындарына жаңа леп сыйлау. Бұл ерекше атмосфера сыйлап, халыққа қуаныш әкелуде. Өскемендіктердің жүзінен мұны анық байқауға болады, – дейді шара жүргізушілерінің бірі Әлібек Досынбаев.

Ұлжан СЕЙІТХАНОВА