Бүгін облыс орталығындағы Республика алаңында Конституцияның 30 жылдығы мен қала күніне арналған мерекелік концерт өтті, деп хабарлайды Buqara.kz сайтының тілшісі. 

Шаһар тұрғындары мен қонақтар үшін ауқымды бағдарлама дайындалды. 
Алдымен жергілікті өнерпаздар мен шығармашылық ұжымдар ән мен биден шашу шашты. Кейін көпшілік тағатсыздана күткен әншілер өнер көрсетті. Олардың қатарында ALEM, JAZZDAUREN, Заттыбек Көпбосынұлы, Ғазизхан Шекербек, Нұрсұлтан Нұрбердиев, Диана Исмаил, Ажар Назар, Ақтоты Болшова, Жігер Ауыпбаев бар. 
Мерекелік кеш отшашумен аяқталды. 

Қымбат МУХАМАДИЕВА