Қалалық инфрақұрылымды жаңарту аясында шаһар басшысы Алмат Ақышов Өтепов көшесінде болды, деп хабарлайды Buqara.kz тілшісі.

Онда тұрғындардың өтінішіне сәйкес «Достық» базары жанындағы автотұрақ пен жол жабынын қалпына келтіру мәселесі көтерілді.
– Аталған аумақта жөндеу жұмыстарын ұйымдастыруды жауапты бөлімге тапсырдым. Тапсырманың орындалуын жеке бақылауыма аламын, – деді қала әкімі.
Жоспар бойынша автотұрақ асфальтталып, бөліктері біріктіріледі. Сонымен қатар мектепке апаратын жаяу жүргіншілер жолы да жасалады.