Таулы-орманда жол таба алмай, адасқан тұрғынды іздеу барысында ұшқышсыз ұшу аппараты да қолданылды, деп хабарлайды Buqara.kz сайтының тілшісі.

Әйтпегенде оны табу едәуір қиындап кетер еді.
– 1953 жылы туған әйел Ұлан ауданындағы орманға саңырауқұлақ теруге барып, бағытынан жаңылған. Бірнеше сағат көлемінде өзі жол табуға тырысқан. Нәтиже болмай, күн батуға таяғанда құтқару қызметіне қоңырау шалды, – деді ШҚО Төтенше жағдайлар департаменті баспасөз қызметіндегілер.
Құтқарушылар зейнеткердің орналасқан жерін мобильді телефон сигналы арқылы анықтады. Қуанышқа орай, бұл аумақта ұялы байланыс жұмыс істеп тұрған.
– Іздеу барысында ұшқышсыз ұшу аппараты қолданылды. Нәтижесінде зейнеткер Асубұлақ ауылы маңынан табылды. Оған медициналық көмек қажет болмады, – деді департамент өкілдері.