Ішкі істер министрлігі жүргізуші куәлігі үлгісіне түзетулер енгізбек. Құжат жобасы «Ашық НҚА» порталында жарияланды, деп хабарлайды Buqara.kz сайтының тілшісі KAZINFORM сайтына сілтеме жасап.

Жобаның мақсаты — жүргізуші куәлігінен электрондық чипті алып тастау, себебі қаржылық тұрғыдан тиімді.

Ведомствоның мәліметінше, чип-модульді енгізу және пайдалану қосымша шығынды талап етеді, ал ол функцияны қазір мемлекеттік деректер базасы мен ақпараттық жүйе толық қамтамасыз етіп отыр.

— Осы орайда чипті алып тастау бюджет қаражатын үнемдеуге және құжатты дайындау процесін оңтайландыруға мүмкіндік береді, — деп түсіндірілген құжатта. 

Еске сала кетсек, сенатор Марат Қожаев Қазақстанда жүргізуші куәлігін алу тәртібін өзгертуді ұсынды.