27 қыркүйек күні сағат 17:00-де облыс орталығындағы Б.Александров атындағы Спорт сарайында NAIZA 77 халықаралық турнирі ұйымдастырылады, деп хабарлайды Buqara.kz сайтының тілшісі. 

Кештің басты оқиғасы - Қазбек Сағын мен Еламан Саясатов арасындағы жекпе-жек. Бұл кездесу жанкүйерлер арасында үлкен қызығушылық тудырып отыр. Екі спортшы да жеңіске деген жігерімен ерекшеленеді, ал сегізбұрышта тек біреуі ғана мықты екенін дәлелдей алады.
Ко-мейн ивентте көпшілікке «Зайсандық қорқыныш» лақапатымен танымал Болат Заманбеков (9-3) қытайлық Инь Сянчжаоға (9-4) қарсы өнер көрсетеді. Бұл кездесу де аса маңызды болмақ. 
Кеш барысында Өскеменнің үш спортшысы – Денис Черников, Жасулан Нұрдыбеков және Ерзат Сақабанов сегізбұрышқа шығып, жерлестерінің үмітін ақтауға тырысады.
Бұл кеш ММА тарихында есте қаларлық оқиғаға айналуы әбден мүмкін.