15-30 қыркүйек аралығында облыс орталығында «Қауіпсіз жол» республикалық жедел алдын алу шарасы өтуде, деп хабарлайды Buqara.kz сайтының тілшісі.

Қалалық полиция басқармасының мәліметінше, жедел алдын алу шарасының алғашқы күнінде жол ережесі 201 мәрте бұзылды. 

Атап айтқанда, қарсы жолаққа шығып кету бойынша 2, жүргізушінің жаяу жүргіншілерге жол бермеуі бойынша 20, жаяу жүргіншілердің рұқсат етілмеген жерден өтуі бойынша 42 факті тіркелген. 

Бұдан бөлек, көлік жүргізушілері 4 жол апатын туғызған. Тағы 22 адам көлік жүргізіп келе жатып телефонмен сөйлескен, 23-і қауіпсіздік белдігін тақпаған.