Полицияға 9 жастағы ұлының жоғалғаны туралы алаңдаған әйел жүгінді, деп хабарлайды Buqara.kz сайтының тілшісі.

Әйелдің айтуынша, денсаулығында ерекшелігі бар бала үйден шығып, белгісіз бағытта кетіп қалған. 

Оны іздеуге патрульдік қызмет экипаждары, жаяу жасақтар, қызметтік иті бар кинологтар жұмылдырылды. 

Нәтижесінде бейнебақылау камералары арқылы баланың көрші көшеге қарай кеткені анықталды. Өтініш түскеннен кейін жарты сағат өткен соң кинолог Ерназ Назыроллаев оны жеке үйлердің біріндегі қорадан тапты.

Бала аман-есен ата-анасына тапсырылды.