Облыс орталығындағы тұтынушыларды жылумен қамтамасыз ететін негізгі энергия өндіруші кәсіпорын жылыту маусымына дайындық паспортын алды, деп хабарлайды Buqara.kz сайтының тілшісі.

Биыл мұнда кең көлемді жөндеу жұмыстары жүргізілді. Атап айтқанда, №11 қазандық агрегатын орташа жөндеу, №8 және №12 қазандық агрегаттарын күрделі жөндеу, №7 және №9 қазандық агрегаттарындағы сору түтіндерін ауыстыру, алты турбоагрегаттың ағымдағы жөндеуі, №4 және №9 турбоагрегаттарды күрделі жөндеу, отын беретін жабдықты, желілік су жылытқыштарды және батарея багын жөндеу. 

Бұдан бөлек, 2023 жылдан 2025 жылға дейін ОРУ-1 қосалқы станциясы жаңғыртылып, 2021 жылдан 2025 жылға дейін жоғары қысымды бу құбырлары ауыстырылды. 

- Алдағы жылыту маусымына дайындық актісін алу Өскемен ЖЭО-ның қала тұрғындарын үздіксіз жылумен қамтамасыз етуге толық дайын екендігін растайды, - делінген ресми ақпаратта.