«Қазгидромет» РМК синоптиктері республика бойынша 25, 26 және 27 қыркүйекке арналған ауа райы болжамын жариялады, деп хабарлайды Buqara.kz сайтының тілшісі KAZINFORM сайтына сілтеме жасап.

Алдағы күндері елдің басым бөлігінде ауа райы тұрақсыз  болады, жаңбыр жауып, найзағай ойнайды. 26 қыркүйекте батыста, солтүстік-батыста, 27 қыркүйекте солтүстікте, солтүстік-батыста қатты жаңбыр, бұршақ, дауылдық жел болжанады. Республика бойынша жел күшейіп, шығыста және оңтүстік-шығыста түнгі және таңғы уақытты тұман түседі.

Шығыста түнде 0–8-ден 7–15 °С жылы болады, солтүстік пен шығыста 2 градусқа дейін үсік жүреді, күндіз 15–25-тен 20–28 градусқа дейін жылы болады.